DoSo - ბლოგი

Thursday, August 23, 2018

მოტივაცია საქმის კეთების უკან - რატომ შეიძლება ვითანამშრომლოთ

მოსმენილი გაქვს Simon Sinek-ის Start with WHY?

როგორ ჩამოვაყალიბებდი ახლა ჩემს WHYს, რაზეც მინდა ყველა ჩემი საქმიანობა იყოს ორიენტირებული:

მივისწრაფვი თვით-აქტუალიზაციისკენ
ვცდილობ ჩემი ცხოვრების ოპტიმიზაციას ღირებულებების ირგვლივ:

გონებრივი და ფიზიკური ჯანმრთელობა
თავისუფლება

დროის
ფინანსური
ურთიერთობების
პერსპექტივის / შეხედულებების

ღირებულების შექმნა

სხვა ადამიანების ხელშეწყობა მაღლა ჩამოთვლილი საკითხების ჭრილში

სად არის აქ ტექნოლოგიური / პროგრამისტული / აიტიშნიკური განვითარების სურვილი? არსად! ტექნოლოგია მომწონს და განვიხილავ როგორც ჰობის და როგორც საშუალებას მიზნების მიღწევის, თუმცა არა როგორც მიზანს საკუთარ თავში, მხოლოდ როგორც საშუალებას.

შეიძლება ეს ნიშნავდეს, რომ მნიშვნელობა არ აქვს რას გავაკეთებ, თუ საქმიანობა იქნება მორგებული აღნიშნულ ღირებულებებზე? დიახ!

შედეგად, როგორც ახლა ვფიქრობ, ტექნოლოგიის ჭრილში არ მოვახდენ ჩემი საქმიანობის ოპტიმიზაციას, მხოლოდ ღირებულებების ქვეშ შევეცდები ტექნოლოგიის ადაპტირებას.

ვფიქრობ, ხედვის გაზიარება და თანხვედრა ამ დონეზე არის მნიშვნელოვანი ურთიერთმომგებიანი და ნაყოფიერი ურთიერთობის შესაქმნელად.

ამასთან, ღირებულების უკეთ შექმნა გადის საქმიანობის ოპტიმიზაციის ხარჯზე და თუ საქმიანობა ტექნოლოგიურია, მაშინ ტექნოლოგიური დახვეწა და განვითარებაც მნიშვნელოვანი მიზანია.

ჩვენი ოფისის თუთიყუში

ტექნოლოგიური ევოლუცია - პოსტ-XAF

ჩვენს მიერ შექმნილი ღირებულება დიდი ხნის განმავლობაში იყო ასეთი:

ჩვენ ვაკეთებთ კომპლექსური ბიზნეს პროცესების სწრაფ მოდელირებას და იმპლემენტაციას
ამისათვის, ვიყენებდით ტექნოლოგიურ პლატფორმას (eXpressAppFramework - შემდგომში "პლატფორმა"), რომელიც იძლევა საშუალებას, მოკლე დროში შექმნა ძალიან შთამბეჭდავი სისტემა და მარტივად მოახდინო მისი ადაპტირება ბიზნეს მოთხოვნებზე
დამწყები პროგრამისტისთვის შედარებით მარტივია გახდეს პროდუქტიული პლატფორმაზე

რატომ XAF-ი, მაგალითისთვის, იხილეთ აქ: https://www.devexpress.com/AboutUs/Testimonials/M5

დროთა განმავლობაში თავი იჩინა პლატფორმის შეზღუდვებმა, როგორებიც არის:

რთულია გამოცდილი პროგრამისტის მოძიება, რომელსაც ექნება სურვილი იმუშაოს ასეთ ტექნოლოგიაზე. რატომ - იმიტომ, რომ სურს საქმის ახალ, ტრენდულ ტექნოლოგიებზე კეთება
პლატფორმის ღირებულება იკარგება და დაბრკოლებას ქმნის, თუ გიწევს default ფუნქციონალის გადაკეთება. ეს განსაკუთრებით მკაფიოდ ჩანს WEB აპლიკაციებში.
front-end არ იძლევა სრული მოდიფიკაციის საშუალებას
WEB აპლიკაციაში ხდება ხშირი POSTBACK -ები, რაც გამაღიზიანებელია მომხმარებლისთვის
"ხელით" შექმნილ ანალოგთან შედარებით პლატფორმის აპლიკაცია:

საგრძნობლად ნელია
სჭირდება რამდენჯერმე მეტი სერვერული რესურსი
ამის გამო, დიდი რაოდენობის მომხმარებლების დამატება სისტემაში არაეფექტურია

დავიწყეთ ალტერნატიული გადაწყვეტილებების ძიება, რომლებიც მოგვცემს საშუალებას, შევინარჩუნოთ ბიზნეს აღრიცხვის სისტემის შექმნისას არსებული ბენეფიტები, როგორებიცაა:

დომენის სწრაფი მოდელირება და ექსპერიმენტირება
კომპლექსური CRUD აპლიკაციის მარტივად შექმნა
VIEW -ების გენერირება კონვენციის (ატრიბუტების, მოდელის) მიხედვით
იქნება C#-ზე დაფუძნებული (როგორც არის XAF)
იქნება ოპტიმიზირებული web-ისთვის / mobile-ისთვის
ექნება მხარდაჭერა თანამედროვე ტექნოლოგიების და ტრენდების - MVC, TypeScript/JavaScript, Bootstrap, CSS, etc.

ვცადეთ MVC / Razor Pages ტექნოლოგიის გამოყენება, მაგრამ წავაწყდით საკითხებს, რომლების მოგვარებაც არარეპლიცირებად ტექნოლოგიურ გადაწყვეტილებებს მოითხოვს

https://stackoverflow.com/questions/51395568/creating-line-of-business-app-with-asp-net-core-razor-pages

შემდეგ მივაგენით ორ პოტენციურ ტექნოლოგიურ კანდიდატს:

https://aspnetzero.com

ASP.NET Zero is a starting point for new web applications with a modern UI and solid architecture. It saves your time by providing pre-built and working pages and a strong infrastructure.

https://serenity.is

A platform you can rely on to build line-of-business applications in time that it takes to prototype them...

ამ ეტაპზე განვიხილავთ ამ ტექნოლოგიების მიზანშეწონილობას ჩვენი მიზნებისთვის და ზოგადად ვფიქრობთ, რა ტექნოლოგიური სთექით გავაგრძელოთ ჩვენი ღირებულების შექმნა.

თუ გაქვთ რჩევა ან კითხვა, გთხოვთ..

Tuesday, May 23, 2017

სად გადის შენი შესაძლებლობების ზღვარი ?

ერთი თვეა რაც DoSo მენეჯმენტის გუნდის წევრი გავხდი და შემიძლია დარწმუნებით ვთქვა, რომ ასე მარტივად, უცნაურად და საინტერესოდ არაფერი დამიწყია, მაგრამ აქვე უნდა ვთქვა რომ სასურველი სამსახურის დაწყებაზე უფრო მნიშვნელოვანია და ალბათ ყველაზე მნიშვნელოვანია ის ცხოვრებისეული წესი, ჩემთვის გაცხადებული სამუშაო გარემოში, რომელიც დაახლოებით ასე ჟღერს ‘განვითარდი და განავითარე’. ყოველი დღე უკეთესობისკენ შეცვლის სურვილით უნდა იწყებოდეს, თუნდაც ეს სურვილი ზოგჯერ დაუძლეველი იყოს. ამ სლოგანში ჩანს კოლექტივის მიდგომა, როგორც საქმის მიმართ ასევე თანამშრომლებთან მიმართებაში (‘მოგხოდონ’ ისე რომ შენ შეძლო განავითარო).

მინდა ავღნიშნო, რომ DoSo-ში გასაქანი ყველას ეძლევა, რასაც პირადად მე დიდ მნიშვნელობას ვანიჭებ, ვინ და როგორ გამოიყენებს ეს უკვე ინდივიდუალურია. აქ არ არსებობს შეუძლებელი, ყველაფერი დამოკიდებულია 3 ცვლადზე : დრო, ენერგია და მონდომება.

რას ვემსახურებით ჩვენ

ცოტა ხნის წინ დავიწყე ძებნა პასუხის კითხვაზე: რა იდეას ემსახურება ჩვენი კომპანია.

ამ ეტაპზე ვფიქრობ, რომ მიზეზი, რომელიც გვამოძრავებს, ასეთია:

ჩვენ გვჯერა, რომ აიტი გუნდთან ურთიერთობა უნდა იყოს სასიამოვნო, აგვარებდეს პრობლემას და ტოვებდეს კომპეტენტურობის განცდას. ამისათვის ჩვენ გვინდა შევქმნათ გარემო, სადაც ადამიანები იქნებიან პიროვნულად და პროფესიულად ჩამოყალიბებული, საიმედო, კეთილსინდისიერი და მომხმარებელზე ორიენტირებული.

ყველა პროდუქტი და სერვისი, რომელსაც ჩვენი კომპანია შექმნის, შევეცდები იყოს ამ იდეის რეალიზების საშუალება.

მინდა, რომ მოვიზიდო ხალხი, რომელიც იზიარებს ამ ხედვას და, რომლებისთვისაც, მნიშვნელოვანია ღირებულების შექმნა სხვებისთვის, გარემოსთვის, ხშირად საკუთარი სურვილების დათმობის ხარჯზე, და მხოლოდ ამის შედეგად საკუთარი პოტენციალის რეალიზება.

თუ ეს ხართ თქვენ, მიუხედავად თქვენი სქესის, ასაკის, პროფესიის ან კვალიფიკაციის, გთხოვთ, დამეკონტაქტეთ - petre@doso.ge

Saturday, May 20, 2017

DoSo - გააკეთე ასე

ალბათ ყველა თქვენგანი ოცნებობს დასახული მიზნების მიღწევას. ყველას თავისი ამბიციური მიზნები აქვს, თუმცა მიუხედავად ამისა მხოლოდ ცოტანი თუ აღწევენ დასახულ შედეგს.

მისიისა და ხედვის ჩამოყალიბების პრობლემა არამარტო პიროვნებების არამედ მრავალი კომპანიის ძირითად დამაბრკოლებელ პრობლემას წარმოადგენს. ბევრს ისე რთულად ეჩვენება აღნიშნული საკითხი, რომ არც კი ფიქრობს ამის შესახებ. იმათ ვისაც უკვე ჩამოყალიბებული აქვს თავისი ხედვა ცდილობს ცხოვრების ყველა ასპექტი ისე შეარჩიოს რომ მისეული ხედვა იყოს გაზიარებული.

ზუსტად ამიტომაც ამოვირჩიე DoSo-ში მუშობა. გუნდის ყველა წევრში დავინახე ჩემეული ხედვა: მუდმივი განვითარება, ახლის შესწავლა და შედეგის მომტანი ურთიერთობების ჩამოყალიბება.
პატარა, მყუდრო ოფისში მოკალათებული 20 კაციანი გუნდი. სხვადასახვა ასაკის, როგორც გამოცდილი, ასევე დამწყები პროგრამისტებისა და პროექტ მენეჯერებისაგნ შემდგარი კოლექტივი. ძალიან შრომისმოყვარე, მიზან მიმარუთლი და ამავდროულად მხიარული.

კომპანიის უნიკალურ ხედვას მისი დასახელება ყველაზე მკაფიოდ ასახავს: DoSo- გააკეთე ასე: ფასეული პროდუქტის შექმნა, რომელსაც მუდმივი პიროვნული განვითარება უდევს საფუძველად. თუმცა ამ ოფისში მხოლოდ ხედვით არ კმაყოფილდებიან. გუნდის პროგრესს განსაზღვრავენ ყოველდღიური შედეგით და წინსვლის კოეფიციენტით. ვინაიდანაც დიდი სურათის (big picture) ხედვა ძალიან ამაღელვებელი და დამაბნეველიცაა, ხშირად ის ხელს გვიშლის დასახული მიზნის მიღწევაში. მაგალითად იცი რისი მიღწევაც გინდა კონკერეტულ პერიოდში მაგრამ გავიწყდება მიზნის მისაღწევად გადადგმული ნაბიჯების შეფასება. საქმის კრიტიკულად შეფასებით, ინოვაციური მიდგომით და კომპანიებისთვის საჭირო პრობლემების გადაჭრის საშუალებით ეს პატარა კომპანია უკვე დიდ შედეგებს აღწევს.
მოკლედ თუ გადაწყვეტ, რომ ასეთ გარემოში მუშაობა შეგეფერება გეტყვით რომ ჩვენი ოფისის კარი მუდამ ღიაა ახალი იდეებისა და განვითარების სურვილის მქონე პიროვნებებისთვის!

ორი სიტყვით ავღწერ როგორ გარემოში აღმოვჩნდი სულ რაღაც ორიოდე კვირის წინ:

ოფისიც ისეთივე უნიკალურია, როგორიც მისი მომუშავეები: აქ ნახავთ როგორც გიტარას, სინთეზატორს, მის წინ „პუფის“ ფუნქცია შეთავსებულ ფიტნესის ბურთთან ერთად, ასევე მეორე კუთხეში მოთავსებულ პრესის სავარჯიშო „ტრენაჟორს“. პროექტ მენეჯერების ცხოვრების ვეგეტარიანულ სტილს და მცენარეების სიყვარულს ასახავს ოფისის ყველა კუთხეში გამწვანებული მცენარეები: ლობიო, კარტოფილი, მუხის ხე, ბამბუკის ტოტები და ა.შ.

მართლაც საინტერესოა ასეთ გარემოში მუშაობა, ხომ?

როგორ შემიძლია ვიყო უკეთესი

ერთ-ერთი პირველი საკითხი, რომელზეც ყველა ჩემს ნაცნობს, კოლეგას და პარტნიორს ვუთანხმდები, არის ღია კომუნიკაცია.

კონკრეტულად:
მე (სუბიექტურად) ვაფასებ და არ ვეთანხმები სხვებს დამოკიდებულებებში, აზრებში და საქციელებში, რომლებიც მათ, ხშირად, არ აქვთ გაცნობიერებული.
ზუსტად ასე, სხვები ხედავენ და არ ეთანხმებიან ჩემს დამოკიდებულებებს, აზრებს და საქციელებს, რომლებიც მე, ხშირად, არ მაქვს გაცნობიერებული.

მე ვუბიძგებ სხვებს, დამანახონ ჩემი დამოკიდებულებები, რომლებიც, მათი აზრით, შეიძლება გაუმჯობესდეს და ღიად გამოვთქვამ ჩემს შეხედულებებს მათ დამოკიდებულებებთან მიმართებაში, რომლებიც, ვთვლი, რომ ხელისშემშლელია მათთვის.

ამავდროულად, ვიცი, რომ ჩემი შეფასება სხვების და სხვების შეფასება ჩემი დამოკიდებულებების, ყოველთვის იქნება სუბიექტური, მაგრამ მთავარი ის არის, რომ მე, როდესაც ვიცი, რომ შენ არ იზიარებ ჩემს ხედვას და ვიცი შენეული ხედვა, შემიძლია საკითხს მივუდგე ისე, როგორც შენი შეფასებით არის უფრო სწორი ან გავაცნობიერო საკუთარი მიდგომა და შევინარჩუნო ან გადავაფასო.